जेथे विठूच्या नामाचा हो गजर !

जेथे विठूच्या नामाचा हो गजर
        माझ्या विठूचे तेथे पंढरपूर || धृ ||
                   ... विठ्ठल विठ्ठल विठ्ठल

            डोळ्यासमोर उभा सावळा श्रीहरी
            टाळ चिपळ्यांचा नाद जयजय हरी
            जेथे विठूच्या विटेवरी नजर ||१||..माझ्या विठूचे -
        ... विठ्ठल विठ्ठल विठ्ठल

            रंगे कीर्तन घेऊन वीणा करी
           संगे नर्तन तल्लीन झाल्यावरी
            जेथे नेमाने वारकरी हजर ||२||..माझ्या विठूचे -
        ... विठ्ठल विठ्ठल विठ्ठल
       
          बुक्का गुलाल शोभे ललाटावरी
          तुळशीमाळ रुळते कंठावरी
          जेथे आधार माउलीचा पदर ||३||..माझ्या विठूचे -
             ... विठ्ठल विठ्ठल विठ्ठल

कवी: विजयकुमार देशपांडे

२ टिप्पण्या:

क्रांति म्हणाले...

अप्रतिम!

वैकुंठ भूवरी
चंद्रभागेतीरी
म्हणती पंढरी
त्यासी जन |

Meenal Gadre. म्हणाले...

चाल लावल्यास उत्तम गीत होईल.